لاہور (آن لائن) لاہور میں زمان پارک میں وزیراعظم عمران خان کی رہائش گاہ کے قریب واقعہ ٹیوب ویل اور فلٹریشن پلانٹ کو عارضی طور پر پولیس چوکی بنا دیا گیا ہے۔ جس کی وجہ سے زمان پارک کے مکینوں کو پانی کی سپلائی معطل ہو کر رہ گئی ہے۔ مکینوں کا کہنا ہے
کہ مذکورہ ٹیوب ویل ان کی جدوجہد کے بعد 2006ء میں لگایا گیا تھا۔ اس ٹیوب ویل کے ساتھ لگائے گئے فلٹریشن پلانٹ سے کنال روڈ سے گزرنے والے شہری پانی پیتے تھے جبکہ ٹیوب ویل کی عمارت میں عارضی پولیس چوکی کے قیام کے ساتھ ہی ٹیوب ویل اور فلٹریشن پلانٹ بند کر دیا گیا ہے۔
