اسلام آباد (این این آئی)حریت رہنما یاسین ملک پر تہاڑ جیل میں وحشیانہ تشدد کیا گیا جس کے بعد ڈیتھ سیل منتقل کر دیئے گئے ،مشعال ملک نے اقوام متحدہ، انسانی حقوق کی تنظیموں سے مدد کی اپیل کی ہے ۔ ایک بیان میں مشعال ملک نے کہا کہ میرے شوہر یاسین ملک کو تہاڑجیل کے ڈیتھ سیل میں رکھا گیا ہے۔

انہوں نے کہاکہ یاسین ملک کو بدترین تشدد کا نشانہ بنایا جا رہا ہے۔انہوں نے کہاکہ بھارت میرے شوہر کو قتل کرنے کا منصوبہ بنا چکا ہے۔انہوں نے کہاکہ بھارتی مظالم کیخلاف یاسین ملک نے 14 روز تک بھوک ہڑتال کی۔انہوں نے کہاکہ پاکستانی حکومت، عوام میرے شوہر کی رہائی کیلئے میری آواز بنیں۔

موضوعات:مشعال ملک یاسین ملک