راولپنڈی(این این آئی)عسکری قیادت نے ملک میں پائیدار امن کے قیام کیلئے کوششیں جاری رکھنے اور علاقائی امن کی خاطر تمام اقدامات کی حمایت جاری رکھنے کے عزم کا اعادہ کیا ہے۔آئی ایس پی آر کے مطابق 221 ویں کور کمانڈرز زکانفرنس جمعہ کو جی ایچ کیو میں منعقد ہوئی۔ کانفرنس کی صدارت چیف آف آرمی سٹاف جنرل قمر جاوید باجوہ نے کی۔
اجلاس کے دوران ابھرتے ہوئے جیو اسٹریٹجک ماحول اور آپریشنل رد الفساد پر پیش رفت سمیت ملک کی سیکیورٹی صورتحال کا جائزہ لیا گیا۔ عسکری قیادت نے ملک میں پائیدار امن کے قیام کیلئے کوششیں جاری رکھنے کے عزم کا اعادہ کیا اور اس مقصد کیلئے علاقائی امن کیلئے تمام اقدامات کی حمایت جاری رکھنے پر اتفاق کیا اور اہم فیصلے کئے گئے۔
