کراچی(این این آئی) کراچی میں بچیوں کو اغوا کرکے افغانستان میں فروخت کرنے والے اغوا کار گروہ کا انکشاف ہوا ہے، فیڈرل بی ایریا سے7 سالہ بچی ثوبیہ کو اغوا کی کوشش ناکام ہوگئی،بچی کے ماموں نے بھانجی کو لے جاتے ہوئے دیکھا تو اغوا کار کو پکڑنے کی کوشش کی جس پر اغوا کار نے کہا کہ اپنی بیٹی کو لے کر جا رہا ہوں۔شہریوں نے اغوا کار کو پکڑکر پولیس کے حوالے کیا تو اغوا کار نے بچیوں کو افغانستان منتقل کرنے کا انکشاف کیا۔گرفتار ملزم امیراللہ کاکڑ نے بتایا کہ اس سے پہلے بھی گرفتار ہوچکا ہوں۔پولیس کے مطابق ملزم امین اللہ ایف بی ایریا تھانے کی حدود

سے 7 سال کی بچی اغوا کر کے لے جا رہا تھا، پولیس نے علاقہ مکین کی مدد سے اسے رنگے ہاتھوں گرفتار کر لیا۔ملزم کے بارے میں پولیس نے بتایا کہ وہ 7 سال اور اس سے کم عمر کی بچیوں کو اغوا کرتا ہے اور پھر اغوا کاروں کے بین الاقوامی گینگ کو فروخت کر دیتا ہے۔پولیس کے مطابق اغوا کاروں کا بین الاقوامی گینگ بچیوں کو افغانستان منتقل کرتا ہے، بچیوں کو افغانستان میں لے جانے کے بعد ان کے اہل خانہ سے تاوان مانگا جاتا ہے۔ڈی ایس پی نعیم خان نے بتایا کہ یہ گروہ بچوں کو اغوا کرکے افغانستان منتقل کرتا تھا۔ گروہ کے دیگر کارندوں کی تلاش شروع کردی ہے۔