اسلام آباد(این این آئی)وزیر اعظم عمران خان نے گیس ذخائر کیلئے کی جانے والی ڈرلنگ میں خوشخبری کیلئے قوم کو دو نفل پڑھنے کی ہدایت کردی۔پارٹی کے یوم تاسیس کی تقریب میں خطاب کرتے ہوئے وزیر اعظم عمران خان نے کہا کہ آپ لوگوں نے گھر جا کر اور پورے پاکستان نے دونفل پڑھنے ہیں۔ ایگزون کمپنی آف شو ر گیس کیلئے جو ڈرلنگ کر رہی ہے اس میں دو ہفتے رہ گئے ہیں۔ میرا ایمان ہے کہ اس میں گیس کا بڑا ذخیرہ

نکلے گا اور ماہرین کے مطابق جتنا ان کا اندازہ ہے اگر اتنی گیس مل گئی تو آئندہ پچاس سال کیلئے پاکستان کے گیس کے مسئلے حل ہو جائیں گے۔وزیراعظم نے کہا کہ ایگزون موبل کمپنی کی ڈرلنگ میں دو ہفتے باقی رہ گئے ہیں اور میرا یقین ہے کہ یہاں سے گیس کا بہت بڑا ذخیرہ نکلنے والا ہے اور جو ایگزون کا اندازہ ہے اس کے مطابق اگر یہاں سے گیس کا ذخیرہ دریافت ہو گیا تو اگلے 50 سال تک پاکستان کا گیس کا مسئلہ ختم ہو جائیگا۔