لاہور( این این آئی )پاکستان مسلم لیگ (ن) کے مرکزی رہنما رانا ثنااللہ نے کہا ہے کہ عمران نیازی نے پی ٹی آئی کے کارکنوں کو پارٹی کے یومِ تاسیس پر فردوس عاشق اعوان کا تحفہ دیا ہے ،جمعہ جمعہ آٹھ دن پہلے پی ٹی آئی میں آنے والی خاتون اب پی ٹی آئی کارکنوں کو پیغام دے گی تو یقیناً ان کے دل باغ باغ ہو جائیں گے ۔ اپنے بیان میں انہوں نے کہا کہ پاکستان تحریکِ انصاف کے یوم تاسیس پر فردوس باجی

کارکنوں کو پیغام دے رہی ہیں تو عمران نیازی کے ساتھیوں کیلئے گھبرانے کا وقت ہوگیا ہے ۔عمران صاحب نے جو کئی سال پہلے پودا لگایا اس کو فردوس باجی اور دوسرے لوگ پانی دے رہے ہیں ۔پاکستان تحریک انصاف کے کارکن جنہوں نے پارٹی کو اپنی زندگیاں دیں آج ان کو فردوس باجی پیغام دے رہی ہیں ۔ عمران نیازی کی 23 سال کی جدوجہد کا نتیجہ فردوس باجی، حفیظ شیخ ، اعجاز شاہ اور چپڑاسی ہیں ، کیا تبدیلی ہے ۔

موضوعات:رانا ثنا اللہ