اسلام آباد(مانیٹرنگ ڈیسک)پی ٹی آئی( گلالئی) کی سربراہ عائشہ گلالئی نے پیپلز پارٹی کو مشورہ دیا ہے کہ پاکستان تحریک انصاف گلالئی میں ، آپ اپنی چھوٹی سی پارٹی پیپلز پارٹی، جو سندھ تک محدود ہو کر رہ گئی ہے، کو ضم کر دیں۔انہوں نے کہا کہ یہ میرا بلاول بھٹو اور آصف علی زرداری کو پرخلوص مشورہ ہے۔ انہوں نے کہا کہ بلاول بھٹو زرداری اپنے خلاف ہونے والی

کرپشن کی تحقیقات کی وجہ سے پاکستان کو توڑنے کی باتیں کر رہے ہیں اوروہ کوشش کر رہے ہیں کہ یہ تحقیقات نہ ہوپائیں۔ عائشہ گلالئی نے بلاول بھٹو کو مخاطب کرتے ہوئے کہا کہ اگر آپ کو پاکستان کی اتنی فکر ہے تو سوئس بینکوں سے اپنے اربوں روپے واپس لے آئیں۔واضح رہے کہ عائشہ گلالئی نے پچھلے دنوں رمضان المبارک کے بعد دھرنا دینے کا اعلان کیا تھا۔