سرگودھا(این این آئی) بھلوال کے علاقے میں خاتون نے فائرنگ کرکے نوجوان کو قتل کردیا، پولیس نے فوری کارروائی کرتے ہوئے ملزمہ کو گرفتار کرلیا۔ پولیس نے بتایا کہ ملزمہ رفعت بی بی اور مقتول ابرار دونوں پھلروان کے رہائشی ہیں۔پولیس کے مطابق مقتول ابرار قتل کے مقدمہ میں نامزد ملزم اور اشتہاری تھا۔ ملزمہ نے بیان دیا کہ
مقتول ابرار نے میرے خاوند کو قتل کیا تھا اور الٹا مجھے مقدمے میں پھنسا دیا تھا، اپنے شوہر کا بدلہ لینے کے لیے میں نے اسے قتل کردیا۔پولیس کے مطابق خاتون اپنے ہی شوہر کے مقدمہ قتل میں ضمانت پر تھی، ملزمہ کے خلاف گزشتہ روز کیس کی سماعت تھی اور اس نے عدالت میں پیشی سے پہلے فائرنگ کرکے ابرار کو قتل کردیا۔
