لاہور( این این آئی )احتساب کے بارے میں وزیراعظم کے معاون خصوصی بیرسٹر شہزاد اکبر نے کہا ہے کہ منی لانڈرنگ کے ذریعے پاکستان سے دوسرے ملکوں میں منتقل کئے گئے ایک ارب ڈالر کی وصولی کی جا رہی ہے۔ایک انٹر ویو میں انہوں نے کہا کہ گزشتہ حکومتوں کے دوران تقریباً گیارہ ارب ڈالرز منی لانڈرنگ
کے ذریعے پاکستان سے بیرون ملک منتقل کئے گئے ہیں۔شہزاد اکبر نے کہا کہ مختلف ملکوں کے ساتھ مفاہمت کی یادداشتوں پر دستخط کئے گئے ہیں جس سے ملک کی لوٹی ہوئی دولت واپس لانے کی راہ ہموار ہو گی۔انہوں نے کہا کہ پی ٹی آئی کی حکومت احتساب کے مینڈیٹ کے ذریعے آئی ہے اور اس سے انحراف نہیں کیا جائے گا۔
