اسلام آباد( آن لائن ) پارلیمنٹ میں اپوزیشن جماعتوں کی جانب سے نیشنل ایکشن پلان پر حکومتی بریفنگ کے بائیکاٹ کا امکان ہے۔ حکومت 2 مئی کو این اے پی کے تحت اپنے نئے اقدامات سے متعلق پالیمانی رہنمائوں کو بریفنگ دے گی۔ اہم سیاسی جماعتوں کے رہنمائوں نے بتایا تھا کہ ان کی جماعتوں نے 28 مارچ کو ہونے والے اجلاس کا بھی بائیکاٹ کیا تھا۔
ان افراد کا یہ بھی کہنا تھا کہ ان کی جماعتیں اپنے موقف پر قائم ہیں کہ یہ بریفنگ ایوان میں ہونی چاہیے اور وہ اپنے اس موقف سے پیچھے ہٹنے کے لیے تیار نہیں۔انہوں نے مزید کہا کہ اب تک حکومت کی جانب سے 2 مئی کو نیشنل ایکشن پلان پر بریفنگ کے لیے ان سے باضابطہ طور پر رابطہ نہیں کیا گیا، اسی لیے امکان نہیں کہ اپوزیشن جماعتوں کا اس پر موقف تبدیل ہوگا۔
