ملتان(سی پی پی)ملتان میٹرو بس کے پل سے پتھر گرنے لگے۔ تفصیلات کے مطابق 30 ارب کی خطیر رقم سے بنایا گیا میٹرو بس منصوبہ خستہ حال ہونا شروع ہو گیا ہے۔گزشتہ روز بوسن روڈ پر چونگی نمبر 6کے قریب میٹرو بریج سے کنکریٹ کا ٹکرا گاڑی پر گرا جس سے

گاڑی کا شیشہ ٹوٹ گیا لیکن خوش قسمتی سے کار میں سوار فیملی محفوظ رہی۔ کار سوار خاندان کوٹ ادو سے ڈاکٹر کے پاس چیک اپ کے لئے آیا تھا۔ ملبہ گرنے سے بوسن روڈ پر ٹریفک کی روانی بری طرح متاثر رہی جبکہ شہری ڈرتے ہوئے میٹرو بس بریج کے نیچے سفر کرنے پر مجبور ہیں۔

موضوعات:ملتان میٹرو