فیصل آباد(آن لائن)سیاسی رنجش پر دو متحارب پارٹیوں میں جھگڑے کے دوران ڈنڈے سوٹوں کے استعمال سے 6افراد لہو لہان۔ تفصیلات کے مطابق تھانہ ٹھیکری والا کے علاقہ 70ج ب منصوراں میں پی ٹی آئی اور مسلم لیگ (ن) کے کارکنوں میں پہلے بھی لڑائی جھگڑے پر مقدمہ بازی چل رہی ہے ۔گزشتہ روز 25سالہ وقاص جیل سے

رہا کر آیا تھا راستے میں جارہا تھا کہ مخالف پارٹی کے افراد نے روک لیا جس کے نتیجہ میں دونوں پارٹیوں میں دوبارہ جھگڑا شدت اختیار کر گیا۔ ڈنڈے سوٹوں کے آزادانہ استعمال سے پی ٹی آئی کے تین کارکن مقصود عرف کالا ، حسنین علی ، کرامت علی ، (ن) لیگی کارکن فریاد علی ، شاہ نواز اور وقاص زخمیوں میں شامل ہیں جنہیں سول ہسپتال میں مختلف وارڈز میں طبی امداد جاری ہے۔