اسلام آباد (این این آئی) وزیر خارجہ شاہ محمود قریشی نے تصدیق کی ہے کہ سعودی وزیر مملکت برائے خارجہ عادل الجبیر کا دورہ پاکستان تاخیر کا شکار ہوگیا ہے ۔ ایک انٹرویومیں سعودی وزیر مملکت برائے خارجہ عادل الجبیر کے دورہ پاکستان کے حوالے سے شاہ محمود قریشی نے کہا کہ سعودی وزیر مملکت برائے خارجہ نے کہا تھا کہ وہ پہلے
نئی دہلی جائیں گے اور پھر پاکستان آئیں گے تاہم اب اطلاعات آرہی ہیں کہ ان کا دورہ تاخیر کا شکار ہوگیا ہے۔شاہ محمود قریشی نے کہا کہ سعودی وزیر معاملات کو سلجھانے میں مدد دینا چاہتے ہیں، پاکستان امن کیلئے ہر وقت تیار ہے، مسئلہ کشمیر اب پوری دنیا میں اجاگر ہوگیا ہے، خطے میں امن کیلئے مسئلہ کشمیر کا حل ضروری ہے۔
