دبئی(آن لائن)متحدہ عرب امارات کے ولی عہد محمد بن زید نے پاکستان اور بھارت کے درمیان مذاکرات کی ضرورت پر زور دیتے ہوئے کہا ہے کہ موجودہ صورتحال سے دانشمندی سے نمٹنے کی ضرورت ہے۔ میڈیا رپورٹس کے مطابق شیخ محمد بن ز ید نے جمعرات کی شام پاکستان اور بھارت کے وزراء اعظم کو فون کیا اور دونوں راہنماؤں سے
موجودہ صورتحال پر گفتگو کی ۔اس دوران ولی عہد یو اے ای نے دونوں ممالک کے درمیان بات چیت کی ضرورت پر زور دیا اورکہا کہ حالیہ صورتحال سے دانشمندی سے نمٹنے کی ضرورت ہے ۔ شیخ محمد بن ز ید نے عمران خان کو پارلیمنٹ سے خطاب پر مبارکباد دی اور کہا کہ مسائل بات چیت سے حل کرنے کا وزیراعظم کا بیان قابل تعریف ہے ۔
