اسلام آباد(مانیٹرنگ ڈیسک)پاک فوج نے پاک فضائیہ کی بھرپور کارروائی کے دوران گرفتار ہونے والے 2 میں سے ایک پائلٹ کو میڈیا کے سامنے پیش کردیا۔ میڈیا نمائندوں سے بات کرتے ہوئے گرفتار بھارتی پائلٹ نے بتایا کہ وہ بھارتی فضائیہ کا ونگ کمانڈر ہے اور اس کا سروس نمبر 27981 ہے۔

بھارتی پائلٹ نے اپنا نام ابھے نندن بتایا ہے جو صحیح حالت میں پاک فوج کی حراست میں ہے۔میڈیا سے بات چیت کرتے ہوئے انہوں نے بتایا کہ پاک فوج کا رویہ انتہائی متاثر کن ہے ۔جنگی قیدی نے ہاتھ میں چائے کاکپ اٹھا کر پیتے ہوئے مزید کہا کہ وہ خوش اخلاقی پر پاکستانی فوج کے شکرگزار ہیں ۔