اسلام آباد (آن لائن) مسلم لیگ ن کے رہنما و رکن قومی اسمبلی خواجہ آصف نے کہا ہے کہ اسپیکر قومی اسمبلی پروڈیکشن آرڈر کے حوالے سے رولنگ دیں ۔پیر کے روز قومی اسمبلی کے اجلاس کے دوران خطاب کرتے ہوئے انہوں نے کہا کہ میں احترام کے ساتھ کہنا چاہتا ہوں کہ سعد رفیق کا پروڈیکشن آرڈر جاری کیا جائے اسپیکر قومی اسمبلی کو مخاطب کرتے ہوئے انہوں نے کہا کہ آپ نے اس سے پہلے بھی پروڈیکشن آرڈر جاری کئے ہیں مگر اب ایسا نہیں کیا جا رہا۔علیم خان گرفتار ہوئے تو پنجاب اسمبلی نے بھی پروڈیکشن

آرڈر جاری کیا۔ مشرف دور میں جاوید ہاشمی کے پروڈیکشن آرڈر جاری ہوئے ہیں یہ سب مثالیں اس لیے دے رہا ہوں کہ آپ کو پروڈیکشن آرڈر جاری کرتے ہوئے آسانی ہو ۔انہوں نے مزید کہا کہ اسپیکر پروڈیکشن آرڈر جاری کرنے کا استحقاق رکھتا ہے ہماری درخواست ہے کہ پروڈیکشن آرڈر کے معاملے پر رولنگ دی جائے تا کہ اپوزیشن گوں مگو ں اس صورتحال سے نمٹ سکے۔ جس پراسپیکر قومی اسمبلی اسد قیصر نے کہا کہ فائل میرے پاس آئی گئی ہے اب قانون کے مطابق اس پر فیصلہ کیا جائے گا۔ شیرازراٹھور