لاہور ( این این آئی) سابق وزیر اعظم و پاکستان مسلم لیگ (ن) کے قائد محمد نواز شریف کے ذاتی معالج ڈاکٹر عدنان نے کہاہے کہ نواز شریف کو دل کا مسئلہ ہے جس کا تاحال علاج نہیں ہو رہا ، نوازشریف کی انجیو گرافی پاکستان میں ہوگی یا بیرون ملک سے اس سے متعلق بھی کوئی فیصلہ نہیں ہوا۔جناح ہسپتال آمد کے موقع پر میڈیا سے غیر رسمی گفتگو کرتے ہوئے

ڈاکٹر عدنان نے کہا کہ میڈیکل بورڈ نے نوازشریف کی انجیوگرافی تجویز کی تھی ۔نو از شریف کاتاحال علاج شروع نہیں ہوا صرف مرض کی تشخیص ہوئی ہے،انکی انجیو گرافی پاکستان میں ہوگی یا بیرون ملک سے اس سے متعلق کوئی فیصلہ نہیں ہوا۔ انہوں نے کہا کہ نوازشریف کے مرض کی تشخیص بائیس جنوری کو ہو گئی تھی،انہیں دل کا مسئلہ ہے جس کا تاحال علاج نہیں ہورہا۔