کراچی(این این آئی) آغا سراج درانی کیس میں مزید پیش رفت ہوئی ہے، کاروباری شخصیت گلزار احمد کی گرفتاری کے لیے وارنٹ جاری کر دیئے گئے ہیں۔تفصیلات کے مطابق قومی احتساب بیورو نے کاروباری شخصیت گلزار احمد کے وارنٹ گرفتاری جاری کر دیئے، گلزار احمد کا نام آغا سراج سے
تفتیش کے دوران سامنے آیا تھا۔ذرائع نے بتایاکہ نیب نے گلزار احمد کا نام بھی ای سی ایل میں ڈالنے کی سفارش کر دی، گلزار احمد مٹھائی کے معروف برانڈ کے مالک ہیں۔ذرائع نے بتایا کہ کاروباری شخصیت کے اکاؤنٹ سے آغا سراج کی بیٹی کے اکاؤنٹ میں رقم منتقل ہوئی تھی۔
