لاہور ( این این آئی) ڈولفن سکواڈ نے سانحہ ساہیوال میں دہشت گرد قرار دیئے گئے ذیشان کے ڈولفن اہلکار بھائی کی سکیورٹی کلیئرنس کا فیصلہ کر لیا ۔ بتایا گیا ہے کہ سانحہ ساہیوال میں دہشت گرد قرار دیئے گئے ذیشان کے اہل خانہ کی مشکلات میں اضافہ ہو گیا اور ڈولفن پولیس نے ذیشان کے بھائی ڈولفن اہلکار احتشام کی سکیورٹی کلیئرنس
کا فیصلہ کیا ہے ۔ ذیشان کا بھائی احتشام ڈولفن اہلکار،کینٹ ڈویژن میں تعینات ہے ۔ڈولفن پولیس نے ایڈیشنل آئی جی سپیشل برانچ کو مراسلہ لکھ دیا جس میں کہا گیا ہے کہ کانسٹیبل احتشام کا بھائی ذیشان سانحہ ساہیوال ابتدائی تفتیش میں دہشت گرد قرار دیا گیا ہے ،سپیشل برانچ احتشام کی ہنگامی بنیادوں پر سکیورٹی کلیئرنس کرائے ۔
