لاہور (این این آئی) فیصل آباد سے (ن) لیگ کی بڑی وکٹ گرگئی، سینئر رہنما و قومی اسمبلی کے امیدوار رانا زاہد محمود نے ساتھیوں سمیت تحریک انصاف میں شمولیت کا اعلان کر دیا ۔ تفصیلات کے مطابق (ن)لیگ کے سینئر رہنما و قومی اسمبلی کے امیدوار رانا زاہد محمود نے ساتھیوں سمیت تحریک انصاف کے مرکزی سیکرٹری جنرل ارشد دادسے ملاقات کر کے وزیراعظم عمران خان کی قیادت اور تحریک انصاف کے منشور پر مکمل

اعتماد کا اظہار کرتے ہوئے شمولیت کا اعلان کیا ۔ اس موقع پر رانا زاہد محمود نے کہا کہ عمران خان کی قیادت میں ملک تیزی سے بہتری کی جانب گامزن ہو رہا ہے ،کرپشن کے خلاف وزیراعظم کا وژن قابل تعریف ہے۔ انہوں نے کہا کہ کرپٹ افراد کا احتساب وقت کی اہم ضرورت ہے،کپتان کے قافلے میں شامل ہو کر ملکی تعمیر میں بھرپور حصہ لیں گے۔ سیکرٹری جنرل ارشد داد نے شمولیت پر رانا زاہد محمود ان کے ساتھیوں کا خیر مقدم کیا۔