لاہور( این این آئی) پاکستان مسلم لیگ (ق) کے ترجمان کامل علی آغا نے کہا ہے کہ تحریک انصاف سے قومی مفاد میں سیاسی اتحاد کیا ،شرائط کے نکات کے مطابق تحریک انصاف اپنے اتحادیوں کو نہ صرف مشاورت میں شامل رکھے گی بلکہ پالیسی سازی میں تمام اتحادیوں کا عمل دخل ہوگا۔ میڈیا سے گفتگو کرتے ہوئے انہوں نے کہا کہ سیاسی اتحاد قومی مفاد میں غیر مشروط نہیں ہوتے۔ تحریک انصاف کے ساتھ چار نکاتی ابتدائی شرائط پر اتحاد کیا جس کے مطابق تحریک انصاف اپنے اتحادیوں کو مشاورت کا حصہ رکھے گی،
پالیسی سازی میں تمام اتحادیوں کا عمل دخل ہوگا،اتحادیوں کی مشاورت سے پالیسیاں وضع کی جائیں گی اورشراکت اقتدار میں حصہ ارکان کی تعداد کے مطابق ملے گا۔ انہوں نے کہا کہ ایم کیو ایم اور مینگل گروپ نے حکومت کو بلیک میل کیا ، ہم بلیک میلنگ کی سیاست کرتے ہیں اور نہ ہی دباؤ ڈالتے ہیں۔ انہوں نے کہا کہ مداخلت کی سبب ہی وزیر عمار یاسر نے استعفیٰ دیا ، وزیر اعظم نے ہمارے تحفظات پر نوٹس لے لیا ہے اور اسی تناظر میں پرویز خٹک نے چوہدری برادران سے ملاقات کی ہے ۔
