لاہور (این این آئی)سابق وزیر اعظم و مسلم لیگ (ن) کے قائد نواز شریف سے آج (جمعرات ) کوٹ لکھپت جیل میں اہل خانہ اور پارٹی رہنما ملاقاتیں کریں گے ،ملاقاتیوں کی فہرست محکمہ داخلہ سے منظوری کے بعد جیل انتظامیہ کو پہنچا دی گئی ۔تفصیلات کے مطابق سابق وزیر اعظم سے ملاقات کے لئے جمعرات کا دن مقرر ہے ۔ملاقات کیلئے نواز شریف کی والدہ بیگم شمیم اختر ، صاحزادی

مریم نواز،بھتیجے اور خاندان کے دیگر افراد بھی کوٹ لکھپت جیل پہنچیں گے ۔جبکہ پارٹی رہنما پرویز رشید ،ڈاکٹر آصف کرمانی ، (ن) لیگ کے اراکین قومی و صوبائی اسمبلی بھی ملاقاتیں کریں گے ۔نواز شریف سے ملاقات کے لئے صبح 9 بجے سے دوپہر دو بجے تک کا وقت مقرر کیا گیا ہے۔ نوا زشریف کے اہل خانہ دوپہر کا کھانا ہمراہ لائیں گے جو وہ نواز شریف کے ساتھ ملکر کھائیں گے ۔