اسلام آباد/لاہور ( این این آئی)وزارت داخلہ نے مسلم لیگ (ن) کے رہنما اور پنجاب اسمبلی میں قائد حزب اختلاف حمزہ شہباز کو بیرون ملک جانے کی اجازت دیدی۔ذرائع کے مطابق حمزہ شہباز نے وزارت داخلہ سے ایک بار بیرون ملک جانے کی درخواست کی تھی اور انہوں نے یہ درخواست لاہور کی ایک عدالت کو بھی دی تھی۔جس پر وزارتِ داخلہ نے حمزہ شہباز کو ایک بار بیرون

ملک جانے کی اجازت دی ہے۔ذرائع کے مطابق ایک بار بیرون ملک جانے کی اجازت 10دن تک ہوتی ہے جس کی مدت بڑھا کر 30 دن تک کی جاسکتی ہے۔ذرائع نے بتایا کہ حمزہ شہباز کو بیرون ملک جانے کی اجازت دینے کا باقاعدہ نوٹی فکیشن بھی جاری کیا جائے گا۔واضح رہے کہ مسلم لیگ (ن) کے رہنما حمزہ شہباز کا نام نیب کی درخواست پر ای سی ایل میں ڈالا گیا تھا۔