اسلام آباد( آن لائن )پاکستان پیپلز پارٹی پارلیمنٹیرین کی سیکریٹری اطلاعات ڈاکٹر نفیسہ شاہ نے کہا ہے کہ نیب کیلئے آسان ہدف صرف حزب اختلاف ہے ،علیمہ خان کے بارے میں نیب اندھا گونگا اور بہرہ ہے ۔ایک بیان میں ڈاکٹر نفیسہ شاہ نے کہاکہ ایک سلائی مشین سے اربوں کے اثاثے نہیں بن سکتے ۔
انہوں نے کہاکہ شوکت خانم کیلئے عوام نے پیسے دیئے ۔ انہوں نے الزام عائد کیا کہ عمران خان اور علیمہ خان نے چندے کے پیسے چوری کئے ۔ڈاکٹر نفیسہ شاہ نے کہاکہ بنی گالا محل میگا ڈکیتی کی داستان ہے ۔ڈاکٹر نفیسہ شاہ نے کہاکہ قوم شوکت خانم ہسپتال کا فورنزک آڈٹ چاہتی ہے ۔
