لاہور ( این این آئی) احتساب عدالت نے سپیکر پنجاب اسمبلی چوہدری پرویز الٰہی اور مسلم لیگ (ق) کے سربراہ چوہدری شجاعت حسین کیخلاف انکوائریز بند کرنے کیلئے نیب کی درخواست پر سماعت 9فروری تک ملتوی کر دی ۔ احتساب عدالت کے جج محمد اعظم نے کیس کی سماعت کی ۔نیب کی جانب سے انکوئریز بند کرنے کیلئے دائر 9سی درخواست میں کہا گیا ہے کہ پرویز الٰہی اور شجاعت حسین کیخلاف ایل ڈی اے سٹی

میں پلاٹس کا کیس چل رہا تھا ۔پرویز الٰہی پر ایل ڈی اے سٹی میں 28 پلاٹس کے غیر قانونی فروخت کی تحقیقات چل رہی تھیں اور چوہدری شجاعت حسین سے بھی ان 28 پلاٹس سے متعلق تحقیقات کی گئیں۔تحقیقات کے دوران معلوم ہوا کہ یہ پلاٹس چوہدری برادران کے ملازم نے خریدے۔احتساب عدالت نے نے درخواست کو مرکزی کیس کے ساتھ لگانے کی ہدایت کرتے ہوئے سماعت 9فروری تک ملتوی کردی ۔

موضوعات:چوہدری پرویزالٰہی یا چوہدری شجاعت