اسلام آباد(آن لائن ) مریم نواز کی سوشل میڈیا کی رکن اور ایم پی اے ثانیہ عاشق کے غیر ضروری ٹوئٹس پر پارٹی کی اعلی قیادت نے اظہار ناراضی کیا ہے اور انہیں ہدایت جاری کی ہے کہ وہ آئندہ نواز شریف کی صحت اور شریف خاندان کے متعلق کسی قسم کا بیان یا ٹویٹ نہیں کریں گی، ذرائع سے معلوم ہوا ہے کہ گزشتہ روز ثانیہ عاشق نے نواز شریف کی صحت کے حوالے سے غیر ضروری اور لاعلمی پر
مبنی ٹویٹ کیا تھا جس کا فوری نوٹس لیا گیا اور انہیں ٹویٹ واپس لینے کی ہدایت کی گئی، پارٹی کی اعلی قیادت نے ثانیہ عاشق کے غیر ضروری ٹویٹ کا سخت نوٹس لیا ہے اور سختی سے منع کیا ہے کہ وہ آئندہ کوئی ٹویٹ نہیں کریں گی، ذرائع کے مطابق پارٹی قیادت کے فیصلے کے تحت نواز شریف کی صحت کا معاملہ ہو یا پارٹی امور ہوں اس بارے ترجمان مریم اورنگزیب ہی بیان دیں گی
