لاہور( این این آئی)پاکستان مسلم لیگ (ن) یوتھ ونگ لاہور ڈویژن کے کارکنوں کو پارٹی قائد محمد نواز شریف سے اظہار یکجہتی کیلئے ہر جمعرات صبح نو بجے سے دوپہر دو بجے تک کوٹ لکھپت جیل کے باہر موجود رہنے کی ہدایات جاری کر دی گئیں ۔ تفصیلات کے مطابق مسلم لیگ (ن) یوتھ ونگ لاہور ڈویژن کا اجلاس خرم روحیل اصغر
کی زیر صدارت منعقد ہوا جس میں صوبائی حلقوں کے صدور اور جنرل سیکرٹریز نے شرکت کی ۔ اجلاس میں فیصلہ کیا گیا کہ لاہور ڈویژنز کے عہدیدار او رکارکنان پارٹی قائد محمد نواز شریف سے اظہار یکجہتی کیلئے ہر جمعرات صبح نو بجے سے دوپہر دو بجے تک کوٹ لکھپت جیل کے باہر موجود رہیں گے ۔
