اسلام آباد ( آن لائن) سانحہ ساہیوال میں جاں بحق ہونے والے ذیشان کے بھائی احتشام اور ان کی والدہ کو صدر مملکت اور چیئرمین سینیٹ نے ملاقات کیلئے اسلام آباد طلب کرلیا۔ذیشان کے بھائی احتشام نے نجی ٹی وی سے گفتگو کرتے ہوئے کہا کہ ان سے ڈی ایس پی ڈولفن کاشف نے رابطہ کیا ہے۔ انہوں نے بتایا کہ پولیس نے رابطہ کرکے کہا ہے کہ صدر مملکت اور چیئرمین سینیٹ
آپ اور آپ کی والدہ سے ملنا چاہتے ہیں۔ اس سلسلے میں آپ کو اسلام آباد جانا پڑے گا۔ جمعہ کی صبح آپ کو پولیس کی گاڑی میں اسلام آباد لے جایا جائے گا۔احتشام نے پولیس کی جانب سے رابطہ کیے جانے پر تحفظات کا اظہار کیا اور کہا کہ وہ اپنی والدہ کے ساتھ اسلام آباد جانے کیلئے تیار ہیں لیکن اگر انہیں کچھ ہوا تو اس کی ذمہ دار موجودہ حکومت ہوگی۔
