لاہور (آن لائن) احتساب عدالت کے ڈیوٹی جج نجم الحسن نے 11ارب روپے کے ایم این ایم موٹر سائیکل کرپشن کیس میں ملزم عابد خان کو رہا کرنے کا حکم دے دیا ۔ دوران سماعت ملزم عابد خان کی 23 لاکھ روپے کی پلی بارگین کی درخواست پیش کی گئی۔ نیب نے عدالت کو بتایا کہ ملزم عابد خان پر الزام ہے کہ اس نے مرکزی ملزم احمد سیال کی معاونت سے عوام سے کروڑوں روپے کی لوٹ مار
کا الزام ہے۔ عابد سمیت دیگرملزمان خطیر منافع کے لالچ پر عوام سے رقوم بٹورتے رہے۔ ملزمان کی جانب سے نئے کسٹمرز سے وصول رقوم میں سے ہی رقوم پرانے کسٹمرز کو بطور منافع دی جاتی رہی۔ مذکورہ کیس میں مجموعی طور پر 43 ملزمان کی گرفتاری عمل میں لائی جا چکی ہے۔ ملزمان نے عوام سے دھوکہ دہی اور منافع کا لالچ دیتے ہوئے لگ بھگ 11 ارب روپے لوٹے۔
