اسلام آباد (این این آئی)متحدہ عرب امارات کی جانب سے ایک ارب ڈالر پاکستان کو موصول ہو گئے ہیں جس کے بعد سٹیٹ بینک کے زرمبادلہ کے ذخائر 14 ارب 25 کروڑ ڈالر سے زائد ہوگئے ہیں۔سٹیٹ بینک کی جانب سے سوشل میڈیا پر جاری بیان میں بتایا گیا ہے کہ یو اے ای کی جانب سے پاکستان کو ایک ارب ڈالر مل گئے ہیں۔بیان میں کہا گیا ہے کہ

رقم 22 جنوری 2019 کو گورنر سٹیٹ بینک طارق باجوہ اور ڈائریکٹر جنرل ابو ظہبی فنڈ کے درمیان طے پانے والے معاہدے کے بعد وصول کی گئی ہے۔متحدہ عرب امارات کی جانب سے ایک ارب ڈالر اسٹیٹ بینک کو موصول ہونے کے بعد مرکزی بینک کے زر مبادلہ کے ذخائر 14 ارب 25 کروڑ ڈالر سے زائد ہو گئے ہیں۔

موضوعات:سٹیٹ بینک