لاہور (آن لائن) سیشن عدالت نے مولانا فضل الرحمان اور شہباز شریف کے خلاف اندراج مقدمہ کی درخواست پر مولانا فضل الرحمان کے وکلاء4 سے حتمی دلائل طلب کر لئے۔ عدالت نے مزید کارروائی کے لئے کیس کی سماعت 2 فروری تک ملتوی کر دی۔ ایڈیشنل سیشن جج سید فیض الحسن نے کیس کی سماعت کی۔ درخواست گزار تنزیلہ عمران نے ایڈووکیٹ سلیم چوہدری کی وساطت سے کیس دائر کر رکھا ہے جس میں موقف اختیار کیا گیا ہے کہ مولانا فضل الرحمان نے 8 اگست کو الیکشن کمیشن اسلام آباد کے دفتر کے باہر اشتعال انگیز تقریر کی۔ تقریر کے دوران مولانا فضل الرحمان

نے عوام کو پاک فوج کے خلاف بھڑکاتے ہوئے کہا کہ ہم 14 اگست نہیں منائیں گے جس سے عوام کے جذبات مجروع ہوئے، مولانا فضل الرحمان کی تقریر بغاوت کے زمرے میں آتی ہے۔ درخواست گزار کے وکیل کے موقف کے مطابق شہباز شریف نے بھی عوام کو 14 اگست نہ منانے کی تقلین کی۔ مولانا فضل الرحمان اور شہباز شریف کے خلاف ماڈل ٹاون تھانہ میں مقدمہ درج کرنے کی درخواست دی تاہم شنوائی نہ ہوئی۔ درخواست گزار نے عدالت سے استدعا کی کہ عدالت مولانا فضل الرحمان اور شہباز شریف کے خلاف ملک سے غداری کا مقدمہ درج کرنے کا حکم دے۔

موضوعات:مولانا فضل الرحمان اور شہباز شریف