لاہور (آن لائن) پنجاب اسمبلی میں تحریک انصاف اور مسلم لیگ (ق) میں دوریاں کم نہ ہو سکیں۔ سپیکر کی رولنگ نظر انداز کرنے پر چودھری پرویز الٰہی حکومت سے پھر ناراض ہو گئے۔ سپیکر پنجاب اسمبلی چوہدری پرویز الٰہی اجلاس چھوڑ کر اسلام آباد چلے گئے۔ سپیکر چودھری پرویز الٰہی نے حکومت کو سانحہ ساہیوال پر جے آئی ٹی رپورٹ پر میڈیا سے
قبل اراکین کو بریفنگ دینے کی رولنگ دی تھی۔ حکومت نے گزشتہ روز سپیکر کی رولنگ کے برخلاف میڈیا کو اراکین اسمبلی سے قبل ہی رولنگ دی تھی۔ ذرائع کے مطابق چوہدری برادران کی جلد وزیراعظم سے ملاقات کا امکان ہے۔ ملاقات میں دونوں پارٹیوں میں تعلقات کار زیر غور آئیں گے جبکہ مسلم لیگ( ق) اپنے تحفظات کااظہار وزیراعظم سے کرے گی۔
