اسلام آباد(آن لائن) وزیراعظم عمران خان نے وفاقی کابینہ کا خصوصی اجلاس آج بدھ کو طلب کر لیا ہے اجلا س دوپہردو بجے پارلیمنٹ ہاؤس میں ہو گا جس میں منی بجٹ کی منظوری کے علاوہ وزیراعظم دورہ قطر سے متعلق کابینہ کو اعتماد میں لیں گے۔ میڈیا رپورٹس کے مطابق وزیراعظم عمران خان نے وفاقی کابینہ کا خصوصی اجلاس آج طلب کر لیا ہے وفاقی کابینہ
کا خصوصی اجلاس آج سہہ پیر دو بجے پارلیمنٹ ہاؤس میں ہو گا اجلاس میں منی بجٹ کی منظوری دی جائے گی جبکہ وفاقی وزیر خزانہ اسد عمر منی بجٹ سے پہلے وزراء کو خصوصی بریفنگ دیں اجلاس میں وزیراعظم عمران خان دورہ قطر سے متعلق کابینہ کو اعتماد میں لیں گے جبکہ تحریک انصاف کی پارلیمانی پارٹی کا اجلاس بھی آج بدھ کو ہی طلب کر لیا گیا ہے۔
