اسلام آباد (مانیٹرنگ ڈیسک)وزیراعظم عمران خان نے ساہیوال واقعہ کو مس ہینڈل کرنے پر آئی جی پنجاب کو عہدے سے ہٹانے کیلئے وزیراعلیٰ عثمان بزدار کو گرین سگنل دے دیا،نجی ٹی وی جی این این کے مطابق آئی جی پنجاب کو تبدیل کرنے کیلئے وزیراعظم عمران خان نے وزیراعلیٰ عثمان بزدار کو گرین سگنل دے دیا ہے ۔ پنجاب میں امن و امان کی صورتحال خراب ہوتی جارہی ہے
اور وزیراعظم بھی آئی جی کی کارکردگی سے خوش نہیں ہے جبکہ حال ہی میں ساہیوال واقعہ کو بھی مس ہینڈل کیا گیا جس کے بعد پنجاب پولیس کی ناکامی کھل کر سامنے آ گئی ۔دوسری جانب ق لیگ کی جانب سے بھی آئی جی پنجاب کی کارکردگی سے متعلق تحفظات کا اظہار کیا گیا تھا تاہم وزیراعظم عمران خان دورہ قطر سے واپسی پر حتمی طور پر احکامات جاری کریں گے۔
