اسلام آباد (این این آئی) سابق صدر وپاکستان پیپلز پارٹی کے شریک چیئرمین آصف علی زرداری نے کہا ہے کہ فوجی عدالتوں پر ہماری پوزیشن واضح ہے ، حکومت مدت میں توسیع بارے بات کریگی تو سوچیں گے۔پیر کو پارلیمنٹ ہاؤس آمد کے موقع پر صحافیوں نے سابق صدر وپاکستان پیپلز پارٹی کے شریک چیئرمین آصف علی زرداری

سے سندھ میں ان ہاؤس تبدیلی لانے کے حوالے سے سوال کیا جس پر انہوں نے کہا کہ جی ڈے اے نہ ہو پی ڈی اے ہو کیا فرق پڑتا ہے۔ انہوں نے کہا کہ فوجی عدالتوں کے معاملے پر پیپلز پارٹی کا موقف سامنے آ چکا ہے، ہمارے چیئرمین نے فوجی عدالتوں پر واضح موقف اختیار کیا ہے، ہماری پوزیشن واضح ہے۔ایک سوال کہ ماضی میں بھی آپ نے اس معاملے کو حل کرایا تھاپر آصف علی زرداری نے کہا کہ ماضی میں وزیر اعظم نے مجھ سے بات کی تھی تو میں نے پھر کوشش کی۔ انہوں نے کہا کہ فوجی عدالتوں کی مدت میں توسیع کے معاملے پر حکومت بات کریگی تو سوچیں گے۔سابق وزیراعظم محمد نواز شریف سے ملاقات کے حوالے سے سوال پر آصف علی زرداری نے کہا کہ دیکھیں گے۔ایک سوال کہ سنا ہے نواز شریف نے آپ کیساتھ ملاقات سے انکار کردیا ہے کا جواب دیتے ہوئے انہوں نے کہا کہ تو کیا ہوا ہم نے بھی تو ماضی میں ملاقات سے انکار کیا تھا۔ سابق صدر وپاکستان پیپلز پارٹی کے شریک چیئرمین آصف علی زرداری نے کہا ہے کہ فوجی عدالتوں پر ہماری پوزیشن واضح ہے ، حکومت مدت میں توسیع بارے بات کریگی تو سوچیں گے۔پیر کو پارلیمنٹ ہاؤس آمد کے موقع پر صحافیوں نے سابق صدر وپاکستان پیپلز پارٹی کے شریک چیئرمین آصف علی زرداری سے سندھ میں ان ہاؤس تبدیلی لانے کے حوالے سے سوال کیا جس پر انہوں نے کہا کہ جی ڈے اے نہ ہو پی ڈی اے ہو کیا فرق پڑتا ہے۔