کراچی(آن لائن) سابق وزیر اعلیٰ سندھ سید قائم علی شاہ کو سانس کی تکلیف کے باعث اسپتال منتقل کردیا گیا۔زرائع کے مطابق پیپلزپارٹی کے سینئررہنما اور سابق وزیراعلیٰ سندھ قائم علی شاہ کو سینے میں انفیکشن کے باعث سانس لینے میں دشواری کا سامنا ہے جس پر انہیں فوری طور پر ہسپتال منتقل کردیا گیا،
قائم علی شاہ کو ضیاالدین ہسپتال کلفٹن منتقل کیا گیا ہے جہاں ان کا علاج معالجہ جاری ہے واضح رہے کہ سابق وزیراعلیٰ کے خلاف نیب کی جانب سے ملیرمیں اراضی کی الاٹمنٹ سے متعلق تحقیقات جاری ہیں اور قائم علی شاہ گرفتاری سے بچنے کیلئے سندھ ہائیکورٹ سے عبوری ضمانت پر ہیں۔
