اسلام آباد(نیوزڈیسک) ملک بھر میں طلب سے زیادہ بجلی سسٹم میں موجود ہونے کے باوجود ٹرانسمیشن لائنوں نے اضافی لوڈ برداشت نہ کرکے ملک بھر میں ہیجان سی کیفیت بر پا کر دی ۔اسلام آباد سمیت ملک بھر میں ٹرانسمیشن لائنوں نے ٹرپ کر کے اندھیروں میں دھکیل دیا ۔وزارت بجلی کے ترجمان ظفر یاب کے مطابق ملک بھر میں کوئی لوڈشیڈنگ نہیں کی گئی موجودہ بجلی لوڈشیڈنگ
ٹرانسمیشن لائنوں کی ٹرپنگ کی وجہ سے ہوئی ،انہوں نے کہا کہ بجلی کی طلب سے زیادہ بجلی سسٹم میں موجود ہے مگر ٹرانسمیشن لائنوں کا مسئلہ ہے جس سے لوڈ برداشت نہیں کر پاتیں اور ٹرپنگ کر جاتی ہیں اوراس سلسلہ میں کوشش کی جارہی ہے اور کافی حد تک معاملہ کو کنٹرول کر لیا گیا ہے مگر یہ بات اٹل ہے بجلی موجود ہے اور لائنیں لوڈ نہیں اٹھا رہی ہیں۔
