اسلام آباد(آئی این پی)متحدہ عرب امارات کے ولی عہد محمد بن زید 6جنوری کو سرکاری دورہ پر پاکستان پہنچیں گے۔ ذرائع کے مطابق محمد بن زید دورے کے دوران وزیراعظم عمران خان ، چیف آف آرمی سٹاف جنرل قمر جاوید باجوہ اور دیگر اہم سیاسی رہنماؤں سے ملاقاتیں کریں گے۔ ملاقاتوں کے دوران
پاکستان اور متحدہ عرب امارات کے مابین باہمی تعلقات کے فروغ ، خطے کی صورتحال اور باہمی دلچسپی کے امور پر تفصیلی تبادلہ خیال کیا جائے گا۔ ذرائع نے مزید بتایا کہ متحدہ عرب امارات کی جانب سے 2ڈالرز کی امداد اور سرمایہ کاری کے حوالے سے مختلف امور بھی زیر غور آئیں گے۔
