مری(نیوزڈیسک)مری میں ایک اور شرمناک واقعہ،ہجوم میں پھنسی خاتون کے ساتھ سرعام غیر اخلاقی حرکتیں، تفصیلات کے مطابق مری میں ایک اور شرمناک واقعہ رونما ہوا ہے جس کی ویڈیو سوشل میڈیا پر تیزی سے وائرل ہورہی ہے ، ویڈیو میں صاف دیکھاجاسکتا ہے کہ ایک خاتون جو ہجوم میں پھنس گئی تھیں ان کے ساتھ سرعام غیر اخلاقی حرکات کی گئیں، نجی ٹی وی کے مطابق یہ شرمناک واقعہ مری میں نیوایئر نائٹ کے موقع پر پیش آیا،
خاتون کی عزت بھرے بازار میں پامال کی گئی۔ بدمست ہجوم نے بے بس خاتون کیساتھ وہ کیا، جو فیملی والوں کیلئے سوچنا بھی محال ہے۔ ہجوم میں پھنسی خاتون دہائیاں دیتی رہی لیکن کوئی ایک بھی شخص مدد کو آگے نہ آیا۔ پولیس کو کافی دیر بعد واقعے کی اطلاع پہنچی، تو اہلکار مال روڈ پہنچے لیکن خاتون کیساتھ غیر اخلاقی حرکتیں کرنے والوں کو پکڑنے کے بجائے اْلٹا خاتون کو ہی پکڑلیا، تاہم بعد میں خاتون کو بھی رہا کردیا گیا۔
