لاہور(آئی این پی ) مسلم لیگ (ن ) کی رہنما وسابق وزیراعظم نوازشریف کی صاحبزادی مریم نواز نے کہا ہے کہ کوٹ لکھپت جیل میں ملاقات کے دوران والد نے مجھ سے اپنی مرحومہ اہلیہ کلثوم نواز کی تصویر لانے کی فرمائش کی ،ماشاء اللہ ان کے حوصلے بلند ہیں ۔جمعرات کو سماجی رابطے کی ویب سائٹ ٹوئٹر پر اپنے ٹویٹ میں مریم نواز نے والد نوازشریف سے کوٹ لکھپت جیل میں

ہونے والی ملاقات کا احوال بیان کرتے ہوئے کہا کہ وہ جمعرات کو جیل میں اپنے والد سے ملاقات کے لئے گئیں ، جب میں نے میاں صاحب سے پوچھا کہ انہیں گھر سے کسی چیز کی ضرورت ہے تو بتائیں میں میں مہیا کردوں تو والد صاحب نے یہ فرمائش کی کہ انہیں ان کی مرحومہ اہلیہ کلثوم نواز کی تصاویر لا دی جائیں ۔ مریم نواز نے کہا کہ ماشاء اللہ میرے والد کے حوصلے بلند ہیں۔