اسلام آباد (مانیٹرنگ ڈیسک) قطر ی حکومت نے اسلام آباد میں پہلے قطر ویزا سینٹر کا افتتاح کر دیا۔ تفصیلات کے مطابق قطر کی جانب سے ہنر مند پاکستانی نوجوانوں کو ملازمت دینے اورویزے کے سلسلے میں آسانی پیدا کرنے کیلئے اعلان کردہ ویزا سینٹرز میں سے اسلام آباد میں آج پہلے ویزا سینٹرکا افتتاح کر دیا گیا ہے۔ ویزا سینٹر کا افتتاح وزیراعظم پاکستان عمران خان کے
معاون خصوصی زلفی بخاری نے کیا۔ اس موقع پر قطر کے سفیر سقر بن مبارک نے کہا کہ پاکستانی پروفیشنلز اور ہنرمند افراد قطر میں 2022ءمیں ہونے والے فٹ بال ورلڈ کپ کیلئے بنائے جانے والے منصوبوں کی تکمیل میں حصہ لے سکیں گے۔قطر میں روزگار کے حصول کیلئے درخواست دینے والے افراد کو ورک کنٹریکٹ پر دستخط کرنا ہوں گے اور اس کیساتھ بائیو میٹرک کا اندراج کروانے کے علاوہ قطر ویزا سینٹر میں میڈیکل ٹیسٹ بھی دینا ہوگا۔سقر بن مبارک نے مزید کہا کہ ویزا سینٹر کھولنے کا مقصد پاکستان کے ہنر مند افراد کو قطر میں روزگار فراہم کرنا ہے۔قطر میں روزگار کے حصول کیلئے درخواست دینے والے افراد کو ورک کنٹریکٹ پر دستخط کرنا ہوں گے اور اس کیساتھ بائیو میٹرک کا اندراج کروانے کے علاوہ قطر ویزا سینٹر میں میڈیکل ٹیسٹ بھی دینا ہوگا۔سقر بن مبارک نے مزید کہا کہ ویزا سینٹر کھولنے کا مقصد پاکستان کے ہنر مند افراد کو قطر میں روزگار فراہم کرنا ہے۔افتتاحی تقریب کے موقع پر وزیراعظم کے معاون خصوصی زلفی بخاری کا کہنا تھا کہ اپوزیشن کے پاس 5سال میں تنقید کے علاوہ کوئی اور کام نہیں، فکر یہ ہے کہ احسن اقبال کسی قطری کے ساتھ تصویر ٹویٹ کر کے قطر ویزہ سنٹر کا کریڈٹ بھی نہ لے لیں۔زلفی بخاری کا مزید کہنا تھا کہ بیرون ملک مقیم پاکستانیوں کیلئے پاکستان میں پرکشش مواقع فراہم کریں گے۔واضح رہے کہ پہلے یہ عمل قطر کی ریاست انجام دیتی تھی لیکن اب جس ملک سے درخواست موصول ہوگی وہیں ویزے کا اجرا کیا جائے گا، ایسا ہی ایک ویزا سینٹر کراچی میں بھی کھولا گیا ہے۔
