اسلام آباد (آن لائن) نواز شریف کی گرفتاری اور آصف علی زرداری کی ممکنہ گرفتاری کی صورت میں چیئرمین پیپلز پارٹی بلاول بھٹو زرداری اور مریم نواز بھی کنٹینر پرآ کر ایک ساتھ احتجاج کرسکتے ہیں۔ صنم بھٹو نے اپنی زندگی میں بہت تکالیف دیکھی ہیں، ان کا سیاست میں آنے کا کوئی ارادہ نہیں ہے۔ پیپلز پارٹی کی
سنٹرل ایگزیکٹو کمیٹی میں حکومت کی کارکردگی کے حوالے سے قرار داد لانے کے حوالے بات کی جائے گی، حکومت نے جو 100دن کے وعدے کیے تھے ان کا بھی احاطہ کیا جائے گا۔ ان خیالات کا اظہار پیپلز پارٹی کے سینئر رہنما سابق گورنر پنجاب لطیف کھوسہ نے آن لائن سے خصوصی گفتگو کرتے ہوئے کیا۔
