اسلام آباد (این این آئی)وفاقی وزیر آبی وسائل فیصل واوڈا نے دعویٰ کیا ہے کہ نواز شریف نے دو ارب ڈالر کی پلی بارگین پیشکش کی ہے لیکن 5 سے 7 ارب پر بات آئے گی۔نجی ٹی وی کے مطابق تحریک انصاف کے وفاقی وزیر فیصل واوڈا نے کہا نواز شریف چاہتے ہیں کہ 2 ارب ڈالر کے بدلے ان کی جان چھوڑ دی جائے۔ نواز شریف اپنی جان چھڑانے کیلئے 2 ارب ڈالر دینے کو تیار ہیں لیکن بات 5 سے 7 ارب تک جائے گی۔فیصل واوڈا نے کہا کہ جو بیٹی پیسے کیلئے

باپ کو پھنسادے ایسی سیاست کا کیا فائدہ ہے۔ بیٹوں نے بھی پیسے دینے سے انکار کردیا ہے، بیٹے نواز شریف سے لاتعلق ہوچکے ہیں ، چاہیں تو تصدیق کرلیں۔ اس سے پہلے بھی ہمیں یہ آفر ہوئی ہے کہ پیسوں کے بدلے کلین چٹ دے دیں۔پروگرام میں موجود مسلم لیگ ن کے رہنما مصدق ملک نے کہا کہ فیصل واوڈا بتائیں کہ نواز شریف نے کسے آفر کی ہے؟۔ مصدق ملک نے کہا کہ اگر کوئی معاملہ عدالت میں چل رہا ہو تو اس میں پلی بارگین نہیں ہوسکتی۔