لاہور(آن لائن)لاہور سروسز ہسپتال کے ڈاکٹرز کی ٹیم نے سابق وزیر اعظم نواز شریف کا طبی معائنہ کیا اور انکے بلڈ پریشر سمیت شوگر کے ٹیسٹ کئے۔ تفصیلات کے مطابق بدھ کے روز لاہور سروسز ہسپتال کے ڈاکٹرز کی ٹیم نے سابق وزیر اعظم نواز شریف کا کوٹ لکھپت جیل میں طبی معائنہ کیا اور انکے بلڈ پریشر سمیت شوگر کے
ٹیسٹ کئے گئے جس کے بعد ڈاکٹرز کی ٹیم نے نواز شریف کو گھر سے آنے والی ادویات جاری رکھنے کی ہدایت کردی دوسری جانب جیل حکام کے مطابق نواز شریف سے جیل میں ملاقات کے لئے آنے والے کے لئے جمعرات کا دن مقرر کر دیا گیا ہے اور سابق وزیر اعظم سے جمعرات کے دن صرف انکی فیملی کے لوگ ملاقات کر سکیں گے۔
