لاہور (آئی این پی) ایل ڈی اے کے جوڈیشل ریمانڈ پرکیمپ جیل میں منتقل ڈپٹی ڈائریکٹر ریونیو محمد سلیم ہسپتال میں انتقال کر گئے ۔ پیر کو نجی ٹی وی کے مطابق ایل ڈی اے افسر محمد سلیم ہسپتال میں چل بسے ۔ محمد سلیم تین ہفتوں سے ہسپتال میں زیر علاج تھے ۔ وہ جگر کے عارضے میں مبتلا تھے ۔ ڈپٹی ڈائریکٹر ریونیور ایل ڈی اے محمد سلیم کیمپ جیل میں کرپشن کیس میں گرفتارتھے۔کیمپ جیل انتظامیہ کے مطابق ڈپٹی ڈائریکٹر ریونیو ایل ڈی اے محمد سلیم کو
کرپشن کے جرم میں 26 ستمبر 2017 میں جوڈیشل ریمانڈ پر کیمپ جیل میں منتقل کیا گیا تھا۔جیل انتظامیہ کا کہنا ہے کہ محمد سلیم کو 18 دسمبر کو طبیعت خراب ہونے پرسروسز اسپتال منتقل کیا گیا تاہم وہ جانبر نہ ہوسکے۔ نجی ٹی وی کے مطابق محمد سلیم کی موت اسپتال میں طبیعت مزید خراب ہونے کے باعث ہوئی۔ جیل انتظامیہ، جوڈیشل مجسٹریٹ، اور شادمان پولیس کی موجودگی میں قانونی کارروائی کے بعد لاش مردہ خانے منتقل کردی گئی ہے۔
