ملتان (این این آئی)وزیر خارجہ شاہ محمود قریشی نے امریکہ اور طالبان کے مل بیٹھنے کے فیصلے کو خوش آئند قرار دیتے ہوئے کہاہے کہ پاکستان افغانستان میں امن کا خواہاں ہے ٗتوقع ہے بات مزید آگے بڑھے گی اور امن قائم ہوگا ٗ مقبوضہ کشمیر میں بھارتی مظالم کو عالمی فورمز پر بھرپور انداز میں اٹھایا ہے ٗ طاقت کے استعمال سے کشمیرکی صورتحال مزیدبگڑسکتی ہے ٗشکیل آفریدی کے بدلے میں عافیہ صدیقی کے حوالے سے خبروں میں کوئی صداقت نہیں ٗ

جنوبی پنجاب صوبے کے قیام کے حوالے سے سیاست سے بالاتر ہو کر آگے بڑھنا ہوگا۔ ہفتہ کو یہاں میڈیا سے بات چیت کرتے ہوئے وزیر خارجہ مخدوم شاہ محمود قریشی نے کہاکہ خوش آئند ہے کہ طالبان امریکہ نے مل بیٹھنے کا فیصلہ کیا ہے ٗتوقع ہے کہ بات مزید آگے بڑھے گی اور امن قائم ہو گا۔انہوں نے کہاکہ پاکستان افغانستان میں امن کا خواہاں ہے۔انہوں نے کہا کہ پاکستان افغانستان میں امن کے قیام میں اپنا کردار ادا کرہا ہے۔ انہوں نے کہاکہ ماحول کو سازگار بنانے کیلئے کچھ قیدیوں کو رہا کیا گیا ہے۔انہوں نے کہاکہ پاکستان نے مقبوضہ کشمیر میں بھارتی مظالم کو بین الاقوامی فورمز پر بھرپور انداز میں اٹھایا ہے ٗطاقت کے استعمال سے کشمیری صورتحال مزید بگڑ سکتی ہے۔انہوں نے کہاکہ دنیا مقبوضہ کشمیر میں بھارتی مظالم پر مزید خاموش نہیں رہ سکتی۔انہوں نے کہاکہ سیکرٹری جنرل اقوام متحدہ اور او آئی سی کو خط لکھا ہے۔ شاہ محمودقریشی نے کہاکہ دنیا مقبوضہ کشمیر میں انسانی حقوق کی پامالیوں سے بے خبر نہیں رہ سکتی۔ انہوں نے کہاکہ شکیل آفریدی کے بدلے میں عافیہ صدیقی کے حوالے سے خبروں میں کوئی صداقت نہیں ہے۔ وزیر خارجہ نے کہا کہ جنوبی پنجاب صوبے کے قیام کے حوالے سے سیاست سے بالاتر ہو کر آگے بڑھنا ہوگا۔ مخدوم شاہ محمود قریشی نے کہا کہ جنوبی پنجاب صوبے پر اتفاق رائے کے قیام قائم کیلئے کوشاں ہے۔ انہوں نے کہاکہ کرپشن سے ملک کو بچانے کیلئے اقدامات کئے جارہے ہیں۔ شاہ محمود قریشی نے کہا کہ میگا کرپشن پر قابو پانا چاہتے ہیں۔

انہوں نے کہاکہ اربوں روپے کی ملک سے باہر منتقلی کو روکنے کیلئے کام جارہے ہیں ۔انہوں نے کہاکہ تین ماہ میں موثر سفارتکاری سے سعودی عرب تعلقات میں بہتری لائے ٗان سے بارہ ارب ڈالر کا پیکچ لیا ٗیو اے ای کے ساتھ بھی معاملات میں بہتری لائے۔انہوں نے کہاکہ جنوری کے پہلے ہفتے میں وہاں کے ولی عہد پاکستان آئیں گے ٗفروری میں سعودی عرب کے ولی عہد بھی آئیں گے ٗملائشیا کے سرمایہ کاروں سے ملاقاتیں کیں ٗعنقریب آپ کو پتا چل جائے گا۔

انہوں نے کہاکہ باتیں نہیں عملی اقدامات اٹھائے ہیں ٗآئی ایم ایف بھی اب لچک دکھا رہا ہے ٗ ہم لوگوں پر مزید بوجھ نہیں ڈالنا ٗستائیس اور اٹھائیس تاریخ کو گیارہ ممالک کے سفیروں کو دعوت دی ہے۔27 ٗ 28 کو یہ کانفرنس ہوگی۔شاہ محمود قریشی نے کہاکہ کرپشن چھوٹی ہو یا بڑی، سب کو روکنا ہے،فی الحال میگا کرپشن کو روکا جا رہا۔انہوں نے کہاکہ نوازشریف کو عدالتوں اور جے آئی ٹی میں بھرپور موقع دیاگیا،جج اور عدلیہ آزاد ہے فیصلے کا انتظار کرنا ہو گا۔