اسلام آباد(مانیٹرنگ ڈیسک)پاکستان کیوں گئے؟ سدھو کے خلاف بھارت میں بڑا قدم اٹھا لیا گیا، وزارت اور سیاست خطرے میں پڑ گئی۔ پاکستان کے مؤقر قومی اخبا ر روزنامہ جنگ کی رپورٹ کی رپورٹ کے مطابق بھارتی پنجاب کے وزیرسیاحت اور وزیراعظم پاکستان عمران خان کے دیرینہ دوست سابق کرکٹر نوجوت سنگھ سدھو کے دورہ پاکستان نے بھارتی صوبہ پنجاب میں حکمران جماعت کانگریس میں پھوٹ ڈال دی ہے۔ نوجوت سنگھ سدھوجنہیں بھارت میں سکھوں نے
ہیرو کا درجہ دے دیا ہے انہوں نے واضح طور پر وزیر اعلیٰ کے خلاف بغاوت کرتے ہوئے ان کے کسی بھی شو کاز نوٹس کا جواب نہ دینے کا اعلان کر دیا ہے۔حیدر آباد میں ایک پریس کانفرنس سے خطاب کرتے ہوئے انہوں نے کہا کہ وزیراعلیٰ فوج کے ریٹائرڈ کپتان ہیں لیکن ان کے اصل کپتان راہول گاندھی ہیں جن کی اجازت سے وہ پاکستان گئے۔ انہوں نے کہا کہ وزیراعلیٰ امریندر سنگھ کو وہ اپنے والد کا درجہ دیتے ہیں انہوں نے بلاشبہ انہیں پاکستان جانے سے روکا تھا ۔
