کراچی (این این آئی) وفاقی وزیر برائے آبی وسائل اور پاکستان تحریک انصاف کے رہنما فیصل واوڈا نے کہا ہے کہ کراچی میں چینی قونصل پر ہونے والے حملے میں پہلا گن شاٹ 8 بج کر15 منٹ پر سنا گیا۔کراچی میں چینی قونصل خانے کے قریب میڈیا سے گفتگو کرتے ہوئے انہوں نے کہا کہ فورسز کے بروقت ایکشن نے بڑی سازش ناکام بنادی۔فیصل واوڈا نے مزید کہا کہ حملہ آوروں کا مقصد چینی قونصلیٹ کے اندر گھسنا تھا جس میں وہ فورسز کی بروقت کارروائی کی

وجہ کامیاب نہیں ہو سکے۔انہوں نے کہا کہ ہمیں حملے کے متعلق بچوں کے اسکول کی طرف سے اطلاع دی گئی، 8 بج کر 35 منٹ پر میں نے وزیراعظم کو اس کے متعلق مطلع کیا۔وفاقی وزیر نے مزید کہاکہ پولیس اور سیکیورٹی اداروں کی کارروائی قابل تحسین ہے، حملہ آور کو ہلاکر کرنے والا ہمارا جوان بغیر بلٹ پروف جیکٹ کے اندر گیا۔فیصل واوڈا نے یہ بھی کہا کہ ہمارے سیکیورٹی اہلکاروں نے جان ہتھیلی پر رکھ کر بین الاقوامی سازش کو ناکام بنا یا ہے۔