اسلام آباد (این این آئی) پاکستان میں تعینات سعودی سفیر نواف سعید المالکی نے کہا ہے کہ بیرونی ادائیگیوں کے توازن کیلئے اسلام آباد کو 3 ارب ڈالر سعودی امداد کی پہلی قسط آئندہ چند روز میں مل جائے گی۔سعودی سفیر نے نجی ٹی وی کو بتایا کہ سعودی عرب ادائیگیوں میں توازن لانے کے لیے پاکستان کو 3 ارب ڈالر دے گا۔انہوں نے اس بات کی بھی تصدیق کی کہ سعودی حکومت، پاکستان کو تین سال کے لئے3 ارب ڈالر مالیت کے تیل کی درآمد پر تاخیری ادائیگی کی سہولت بھی دے گی۔سعودی سفیر کے

مطابق ‘سعودی کمپنیاں، پاکستان میں آئل ریفائنری کے قیام کیلئے 6 سے 8 ارب ڈالر کی سرمایہ کاری کا ارادہ رکھتی ہیں۔ایک سوال کے جواب میں انہوں نے کہاکہ اس امداد کے علاوہ سعودی عرب، پاکستان میں توانائی کے شعبے میں بھی سرمایہ کاری کا ارادہ رکھتا ہے جبکہ ہم کراچی کے قریب پیٹروکیمیکل انڈسٹری قائم کرنے کا بھی ارادہ رکھتے ہیں۔’اس کے علاوہ نواف سعید المالکی نے سلطنت کی جانب سے ریکوڈک کے سونا اور تانبے کے مائننگ منصوبے میں سرمایہ کاری کا بھی اشارہ دیا۔

موضوعات:سعودی سفیر نواف سعید المالکی