اسلام آباد(مانیٹرنگ ڈیسک)جنرل ریٹائرڈ حمید گل کے بیٹے عبداللہ گل پر گذشتہ روز قاتلانہ حملہ ہوا تاہم اس میں وہ خوش قسمتی سے محفوظ رہے۔نامعلوم حملہ آور فرار ہونے میں کامیاب ہو گئے۔ میڈیا رپورٹس کے مطابق عبد اللہ گل کا کہنا ہے کہ وہ اسلام آباد سے اپنی جیپ پر آ رہے تھے۔راولپنڈی میں پرانے ائیرپورٹ کے قریب انہیں پیچھا
کرنے والی دو گاڑیاں نظر آئیں۔گاڑیوں میں سوار افراد کے پاس ہتھیار تھے۔حملہ آوروں کے عزائم بھانپتے ہوئے انہوں نے جیپ درمیان والی سڑک پر لا کر ون وے روڈ پر ڈال دی۔حملہ آوروں نے ساتھ آٹھ فائر کیے لیکن وہ بچ نکلنے میں کامیاب ہو گئے۔ یاد رہے کہ اس سے پہلے مولانا سمیع الحق کو انکی رہائش گاہ پر قتل کردیا گیا تھا۔
